(( حصل ))
اضغط على أي بيت لعرض معانيه وشرحه
يا جَنَا .. أبداً جَرَالَكْ أمرْ مِن هَذَا القبيلْ ،إنك مسافر فى بلاد بره .. وزول عابر سبيلْ
تلقاك بنية حليوة .. زى موية السبيلْ ،والدنيا حرْ ..
والجوف عليلْ ،تنده عليكْ
يا ماشى زى الغابة .. يا زولْ .. يا جميلْوَقفْ .. وهاكنى معاكْ .. وسافِرْ .. يا جميلْ ،
- أيوه حَصَلْ ،بس المطرْ كان قاجى .. والليل كان جميلْ
والبندقية .. جزيرة الطِليان ..يمين . . مليانة شيلْ
والبحرِ رايقْ .. والمزاجْ . .والجيب تقيلْ ،
وشربنا . . ناماً شُفنا ايطاليا مدنقرة فى المحيطْ،وتقول ياليلْ
ويمينحلفنا نعومْ .. وكان الكيفْ تقيلْ والواطة ليلْ ،
يا زول حَصَلْ .. زى ما حَصَل . .ما الدنيا ليلْ
والزول مسافرْوالطلايناتْ ديكْ . . يا ليلْ ،
- أيوه حَصَلْ. . . بَس المطر كان قاجى .. والليل كان جميلْ
البندقية –مارس –1975
عن القصيدة
«(( حصل ))» من شعر سيد أحمد الحردلو، وتقع في ١٣ بيتًا. وهي بالعامية، ورويّها حرف اللام.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.