تقول لِى شنو !
اضغط على أي بيت لعرض معانيه وشرحه
-1-تقول لِي شنو
وتقولى لِي منو ،-2-
أنحنَا السَّاسْونَحنا الرَّاسْ
ونحن الدّنيا جبناهَاوبَنيناها..
بِويت ..فى بِويتْوأسْعل جدى ترهاقَا
وخلى الفَاقة .. والقَاقا-3-
تقول لِي شنووتقول لِي منو ،
-4-تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْوأمى مهيرة بتْ عبودْ
وأخويا المهدى ..سيد السيفْوالخلى النصارى تقيفْ
هناك ..فى القيفْ ،-5-
تقول لِي شنووتقول لِي منو ،
-6-ونحن الشينْ
ونحن الزينْونحن العقبه والعتمور
ونحن القِبله .. والقرعانْونحن الشانْ
ونحن النانْأتينا عشانْ
نسوى الدّنيا للإنسانْتقول لِي شنو
وتقول لِي منو ،-8-
ونحن الصّافىوالوَافى ،
ونحن الشّافىوالكافِي ،
ونحن الزادْونحن العِينه
والزِيّنه ،ونحن يمين أهالينا
أهلى سرورْووكَتين ينزل المستورْ
تَرَانَه النور-9-
تقول لِي شنووتقول لِي منو ،
-10-ونحن الجبنه واللبريقْ
ونحن قداحنا سَاوات ضيقْونحن بيوتنا مفتوحاتْ
مَسَاىْ .. وَصباحْونحن وشُوشنا
مطروحاتْمَسَاىْ وصباحْ
ونحن السَمحهوالقَمحه
ونحن الطله .. واللمحه ،ونحن الصِيدْ
ونحن العيدْ ،-11-
تقولى لِي شنووتقولى لِي منو ،
-12-ونحن عُزَازْ
ونحن حَرَازْونحن هَشَابْ
ونحن قُمُوحْونحن تُمُورْ
ونحن عُيُوشْونحن النيلْ
وَكضَابيا زويل منْ قالْ إنّك .. تانى لينا متيلْ ،
تقولى لِي شنووتقولى لِي منو ،
-13-ونحن الحَجه والتوبه ،
ونحن الهِجره .. والأوبه ،ونحن كُتَارْ
ونحن كُبَارْ ،ونحن يمين جُمَال الشيلْ
ونحنيمين –نَضِمنا قليلْ ، -14-
تقول لِي شنووتقول لِي منو ،
-15-ونحن مِحايه
نحن طِرايهنحن فِدايه
نحن سِمايهنحن حجاب
ونحن اللوحْونحن شَرَافه فى الدنيا
ونحن كِتاب عِلمْ مفتوحْعلى كل البُلودات ..نُورْ ،
ونحنيمين مَداين نورْ ، ووشنا نورْ ،
-16-تقول لِي شنو
وتقول لِي منو ،-17-
ونحن الحِنه والجرتقْونحن الزفه والسيره ،
ونحن ..أبشرى والشبال ،ونحن السَىْ
ونحن الوَىْونحن الرقبه .. والتُمْ تُمْ
ونحن اللَمْ ..يكون فى الدنيا ..متلنا ..لمْ
-18-تقولى لِي شنو
وتقول لِي منو ،-19-
ونحن العَاجْونحن الصَاجْ
ونحن البوشْونحن الحوشْ
ونحن الناسْوكتين الديارا ..يباس
وإن درت العديل والزينتعال يا زول ،
وإن كست الكعب والشينأرح .. يا زول
-20-تقولى لى شنو
وتقول لى منو ،-21-
ونحن السورْونحن الحُورْ ،
ونحن بناتنا محروساتْونحن وِلادنا ضُلالاتْ
ونحن أُماتنا ياهِنْ ..ديلْ ،وجِيب ورينى زيىِّ منو ،
وتقول لِي شنووتقول لِي منو ،
-22-ونحن فَزَعْ
ونحن وجَعْونحن اليُمه ..واليَابَا
ونحن أريتو بالتَابَه ،ونحن يمين إذا حَرّتْ ،
نخلى الواطه ..رُقَابه ،-23-
تقولى لِي شنووتقولى لِي منو ،
-24-ونحن زَغَاوه والعطرونْ
ونحن الدُونَا ..مافيشُ دونُونحن وِلاد مَلك خِرتيتْ
وسَابَ الجرْوحجَر السِكه ،
والتاكا ،وسيّدنا الفى الجبل ..دَاكَا
ونحنيمين نضِمنا كُتُرْ وشيَتنا كُتُرْ
وأسعَل ناس كَرن والطُورْ ،وأسعَل كَررى .. والعَتْمُورْ
وأسعليا جنَاَ الخرتُومْ ، وشوف كيفن زعلنا كُتُرْ ،
وشوف كيفن فرحنا كُتُرْ ،أنحنا الـ للرجال خُوسَه ،
ونحن –يمينجِنَات موسى ، -25-
تقولى لِي شنووتقول لِي منو ،
-26-ونحن الدوكه
والضُلاله ، والدونكه ،ونحن الدانقه ،
والراكوبه ، والواطه ،ونحن الفَكَه
والشِبكَهونحن الحجزه .. والعكَه ،
ونحن الجُودْ ،ونحن أسودْ ،
ونحن النَانْ ،حديثنا إذا أرِدتو رُطَانْ
وحين دايرين ..نسوى بَيَانْ ،-27-
تقول لِي شنووتقول لِي منو ،
-28-ونحن الخَلوهَ والدايره ،
ونحن تَكيه العايره ،ونحن الضُّلْ ،
ونحن الكُلْ ،ونحن سبيل غريب الليلْ ،
ونحن صباح مسافر الليلْ ،ونحن فَنَاجرةَ الدّنيا ،
ونحن حَبَابْحديثنا حَبَابْ
تعال شَرِف .. وشوفنى منو ،وتقولِي شنو ،
وتقولِي منو ،-29-
أقيف لِسَعْوأقيف وأسمعْ ،
ونحن صديرى منضوم ويلْونحن القَرمصيص ..بلحيلْ ،
ونحن التوبْونحن الووبْ
وناس حبوبْوناس حَرّمْ
ونحن إذا رأينا كبيرْنقيف طولنا ..ونقولْ لُه ..حَبَابْ
ونديه البُكَان ..ترحابْونحن. اليَانَا ديل .. يا زولْ
وتسعلنى .. وتقول لِي منووتقولِي شنو ،
-30-أقيف لسعْ
وأقيف .. وأسمعْونحن التَايَهْ
والاندايَهْوالزِريعهْ
والعيزومهْواتفضلْ ،
ونحن الرايَه مرفُوعهونحن الكُلفَه مرفُوعه
ونحن حلفتَ ... مدفوعه-31-
تقول لِي شنووتقول لِي منو ،
-32-وأما عجيبْ
وأما غريبْ ،وأقيف لسعْ
وأقيف .. وأسمعْ ،-33-
أنا الكَعَب البسوى الويلْوأنا الزول السَمِحْ ..بلحيل ،
وداير ..منِّهُمْ .. يَاتُو ..،تقولى لِي شنو
وتقول لِي منو ،
عن القصيدة
«تقول لِى شنو !» من شعر سيد أحمد الحردلو، وتقع في ١١٩ بيتًا. وهي بالعامية، ورويّها حرف النون.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.