((( هروب )))
اضغط على أي بيت لعرض معانيه وشرحه
-1-كُتْ قايل صحيحْ الهجرة تِرياق للجراحاتْ
ورَاح أرتاح من أحْزانى القديماتْ ،وقُمْ طشيتَ فى دُنياتْ .. بعيداتْ
برايا جريحْأكاتل الريحْ
وأكوس فوق التخاياتْ ،وأغلب الشوقْ .. ،
وأقول أصبُر خلاس فِضْلن شِوياتْعشان ترتاح من أوجاع حُبَك الفاتْ ،
وكم مراتأحِنْ للارضِ .. والناس الحليوينْ
وادَفْدِف فوق بُلود الغيرْ مِطيراتْ ،وكم مراتْ ،
... أوَاصلَ الهجرة فى الذاتْ ،... ورُحتَ بعيدْ
وضيَّعتَ المسافاتْوضيّعتَ العناوين والجواباتْ ،
وقُتَ خلاسْخلاس الماضِي قد ماتْ ،
وودعتَ الجراحاتْ-2-
.. ومرت بيّا زى شوبتينْوزىْ شِيتاً حميمْ .. ودفينْ
يجيكْ وكتَ الوجع .. والشينْيجيكْ زىَّ العديل ... والزينْ
حضرنى شعورْشعورْ بحضورْ
حُضور محضورْوسادِي الدنيا .. جايى عليّا .. زفة نورْ
.. واتلَفَتَ .. بى هجمة فرحْ .. مسحورْوجُوه النورْ
بَشُوفِك نورْشَلَح تَالاىْ
تقول مَقطعْ من الدوباىْبِفتش ليهو .. لى غناىْ ،
أتاريكْ .. كُتِ دِيمه معاىْمهاجرة .. وفى الضُلوع .. جُواىْ ،
-3-أتاريكْ .. رُحتِ قبلى هناكْ
وشلتِ معاكى كل الفاتْ ،-4-
لِقيتِك واقفه فى كل المطاراتْومتظرانى بالشوق والبسماتْ
وايدِك راعشة بِتقول لىْ .. سلاماتْ ،لقيتك فى محطات القطاراتْ
والتُلوج نازلات على وِشيشك وصاباتْ ،وإنتِ تحاحى بالتوبْ .. الدِميعاتْ
-5-أتاريكْ رُحتِ قبلى هناكْ
وشلتِ معاكى .. كل الفاتْ ،-6-
لِقيتِك فى الشوارع والمطوراتْوجارية معايا مرات للضُلولاتْ
وواقفه معايا مرات فى الشموساتْ ،وقاعدة معايا فى قهواية مراتْ
وتحكى لىْ حكاياتْ ،وأشوف عينيكى ضاواتْ
كما أُمبارحْ ...ومليانات محناتْ ،
-7-أتاريكْ رحتِ قبلى هناكْ .
وشلتِ معاكى .. كل الفاتْتَّصاويرنا
وغناويناوفريحاتنا .. ومشاويرنا ،
وحاجاتنا الصغيروناتوالخليتَه تذكاراتْ
ورايا هناكْلِقيتَه معاىْ
بِتمشى معاىوتقعد جَنْبى تتكلمْ
تعيد ليا جميعَ الفاتْ ،-8-
أتاريكْ .. رُحتِ قبلى هناكْوشلتِ معاكى .. كل الفاتْ ،
-9-وكُتْ قايل .. صَحيح الهجرة بتداوى
ولقيتَ الهجرة .. بتكاوى ،وتَفتِحْ لينا ماَضينا
وتخلينامساجينُو ،
وكُلْ مادُرنا نَهرُبْ مِنوُ ...نَلقانا ... مساجينوُ ،
-10-أتاريكْ . . رُحتِ قبلى هناكْ
وشلتِ معاكى . . كُلَّ الفاتْ.باريس –مايو –1974-
عن القصيدة
«((( هروب )))» من شعر سيد أحمد الحردلو، وتقع في ٤٤ بيتًا. وهي بالعامية، ورويّها حرف النون، وغرضها الغزل.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.