يابعد عمري تعالي

تعالي يابعد عمري تعالي — تعالي جاوبيني في سؤالي

تعالي مابقاء عندي جلاده — تعالي ياغناتي ، رأس مالي

تعالي غيري مجرى حياتي — أنا مليت من كثر ألجدالي

أبي شوف المضاليل الكسالا — وعود ، مع نسيم الريح مالي

أيلا مال مالت له أشعوري — وجيت القصيد العذب جالي

تعن له الشوارد يوم أشوفه — وتمشي عوبها له باعتدالي

تقول المفردة لرضاه دعني — وجنب سيرتي مالك ومالي

أنا ياشاعري مسمع كلامك — أيلا من جات صاحبت المعالي

أغني وأتفنن يوم جتني — هزيلي عندها يأتي جزالي

نذيرك ياقصيدي لا تغرك — عسى مالك بعد تألي،،أولي

عساه يشيب بيتك يالقصيده — ترى ملهمك قد جاب العنا لي

هواه اللي صخرني له وأنا اللي — قبل معروف في كثر انفعالي

ولكن حكمت الله والمحبة — يطيع لها العنيد من الرجالي

أيلا منه طراله من يحبه — تفز ألأشواق قلبه ، مايبالي

وأنا اللي مبتلى من حب عندل — وأهلها لا أعمام ولا خوالي

نصحت القلب عنها مانصحلي — يطاوع لآمرها غصب وعصا لي

عنيد القلب وظروفي عنيده — يامال البين ياسود الليالي

أيلا منها استوت سرعه تغير — تكدر مشربي لآمن صفالي

لكن يامرحبا لو عذبتني — علي تعذيبها لو مـر،،حـالي

هلا بالي زهـى ، الحسن وزهاله — ولبس بكر الجمال اللي زهالي

هلا بعيونك وناعس هدبها — هلا يامرحبا حظي وفـالي

هلا بمجدلك لأمن ثعيته — هلا يوم أنثعاء الهم أنثعالي

تدلل في قصيدي يا مدلل — عساه أفداك ياعذب الدلالي

هلا بالريم لو كان يتذير — هلا بلفتات مذعور الغزالي

هلا يا طفلة الريم ألجفوله — أببالي يابعد عمري أببالي

أنا لا شفت زولك ماتضايق — ولو عاندني الحظ أستوالي

الشوف أبنظرتك معنى السعادة — ولو بنوم تعرض في خيالي

أيلا من فقدتك ربع ساعة — جفيت النوم والمرقد جفالي

الا يا غايتي لا،،لا،،تغلا — تغلا وأنت يامغرور غالي

أيلا من سلهمت لي ضاع رشدي — ولا اعرف اليمين من الشمالي

عزي أنك السبب في نقض جرحي — ونسيانك على عيني محالي

وعزي أني عشقت الهجر لجلك — وأحس أبشمس تعذيبك أظلالي

وعزي انك ملكت أغلا المشاعر — ولك في مهجتي قدر وجلالي

حشاء الله ماني عنك داله — وفيك من الظباء شبه وخصالي

أخذت من الظباء قد ، ورشاقه — وفزات الغزيل والجفالي

ومن الشيهان نظراته وعينه — ولبست من العقل تاج الجمالي

صدوق ولا توفي في وعودك — وأنا أعرفك علي صعب ألمنالي

أصدق مأتقوله،، وأنت تكذب — وأقول النفسي أنك أنت المثالي