روح بتترنح على حبل الوريد
الشاعر: أبوزيد بيومي · البحر: الرجز
«روح بتترنح على حبل الوريد» من شعر أبوزيد بيومي، وتقع في 24 بيتًا. نُظمت على بحر الرجز، ورويّها حرف الكاف.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
لما حدودي تدخل ف حدودك — بالقى الوقت يدوب ف شفا يف الساعة
زى ما حتة سكر دابت — جُوَه شفايف طفل .... دا ساعات
وساعات البحر بيعصر كل هدومه ف حلقى — باشتاق لك
نفس الحلم المدبوح — على أول ناصية لأول طلعة فجر
نفس الروح اللى بتترنح — على حبل وريد مشدود بين قلبى وقلبك
يتبعتر جوايا الطفل — ما بين اللهفة وبين الخوف .... ضُميه
ضُمى فيه الولد — اللى يخربش وش الحواديت ...
وينام — باهرب منك واستناكى
باستنى يجينى الليل — واغسل وشى بالعتمة
وأدوب فيها ملامحى — ولا أشوفك وانتى بتتساومى
عارفك هاتبيعى ... معذورة — هايحطوا فوق راسك ألف وليمة للغربان
مين هايفسر أحلامك غيرى — ونتوه ف الضلمة
والسكة بتخلع كل عنيها — وأمد صوابعى العميا وأحسس على تقاطيعك
يمكن أوصل ... ونتوه — وبسرعة صوابعى بترجع ويزيد العما جواها
وتحسس على تقاطيعى يمكن ... ونتوه — تحت حيطان الليل
على ناصية حارة الخوف — أو تحت حراسة الزيف ... باكره مواعيدك
ماعدتش خايف ... — الحلم اللى مفرع فى حشاكى ... ابنى
الخوف اللى بيرضع من صدرك ... — الزيف اللى بيحبى على وشك ...
... ماعدتش خايف — لحد آخر شهقة لأنفاس الانتظار
عارفة لما القسوة بتغرس سكينها ف لسانك — كل عيون العتمة تفتح جوايا
كل سنين اليتم بتغرس سنابلها اليابسة ف دمى — باحتاج لخضارك
باهرب منك ليكى ... نفس السجن بيتكرر — باشتاق لك
باشتاق ترجعلى ملامحى — وأعرف ان انتى اللى انا بادخل فى حدودها ...
وأتوه
البحر والقافية
القصيدة على بحر الرجز. يُلقّب بـ«حمار الشعراء» لسهولته، ويُستعمل في المنظومات العلمية والارتجال.
تفعيلاته: مستفعلن مستفعلن مستفعلن.
القافية: رويّها حرف الكاف — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الولد: وَلَد: الوَلِيدُ: الصَّبِيُّ حِينَ يُولَدُ، وَقَالَ بَعْضُهُمْ: تُدْعَى الصَّبِيَّةُ أَيضاً وَلِيدًا، وَقَالَ بَعْضُهُمْ: بَلْ هُوَ لِلذَّكَرِ دُونَ الأُنثى، وَقَالَ ابْنُ شُمَيْلٍ: يُقَالُ غلامٌ مَوْلُودٌ وَجَارِيَةٌ مَ …
- باشتاق: اشْتَاقَ يَشْتاقُ اِشْتَقْ اشْتِياقاً [شوق]:- ـه وإليه: نزعت نفسه إليه ومالت؛ لولا اشتياقي إلى الأهْل والأحْباب لما عدت بهذه السرعة.
- باهرب: أهْرَبَ يُهْرِبُ إِهْرَابًا :- الشخصُ في الأمْر: نجَدَّ فيه وأسرع؛ أهربت الشرطة في اللحاق بالمجرم. - الشخصُ: جَدَّ في الذهاب مذعوراً؛ أحق بالهزّة الأرضية فأهرب من داره. - الشخصُ: أبعد في الأرض؛ أهرب؛ باحثًا عن الرزق. - ـ …
- تدخل: تَدَخَّلَ يَتَدَخَّلُ تَدَخُّلاً : دخل شبئاً فشيئاً؛ تدخل المسمار في ثقب ضيق بصعوبة.- في الأمر: أدخل نفسه فيه أو شارك؛ تدخّل في الحديث/ تدخل في الخصومة/ سياسة عدم التدخل هي ألا تتدخل دولة في الشؤون الداخلية لدولة أخرى.