الجزم مقامات
اضغط على أي بيت لعرض معانيه وشرحه
للجزم في الناس مقامــــاتساعات بتعلى وتوطى ساعات
وكل جزمة وليها حــــالاتوكل واحد له مقاســـــات
للجزم في الناس مقامــــاتفيه جزمة ليها مليون وش
وكل وش لزوم الغشمكان بتنفخ فيه و تفش
ومكان توزع ابتساماتللجزم في الناس مقامات
ودي جزمة مخصوص للتنطيطلو تبقى مرّة ف رجل عبيط
بتخلي عقله بحر محيطو الكل يديله احــــترامات
للجزم في الناس مقاماتوجزمة لما تشوت في الجون
تاخد ف باطها كام مليونوتحول العاقل مجـــــنون
وتشعلل الدنيا هتافــــاتللجزم في الناس مقامات
وفيه جزم بتلف تدورورنيشها كله كدب و زور
بتوعدك بالخير والــــنورمتبانش غير في الانتخابات
للجزم في الناس مقاماتوأما دي جزمة باشا
مدهونة سكر وبغاشةونعلها زي فراشــــة
تفوت بخفة في الأزماتللجزم في الناس مقامات
والجزمة دي يلبسها فقيرونعلها مليان مسامير
يلبسها عقله منه يطيروكل خطوة دموع وآهات
للجزم في الناس مقاماتوأما دي جزمــــة ناقد
يلحسها متشاعر حاقدبشوتة واحدة كتاب واحد
بيبقى فارس للنــــدواتللجزم في الناس مقامات
و دية جزمة تمشي ف خيرو وشها دا مداس للغير
لكنها ف آخر المشاويربتشوت صاحبها ع الأموات
للجزم في الناس مقاماتجزم كتير ف دنيا الناس
لكن مفيش على رجلي مقاسقررت أمشي حافي خلاص
إن شالله شوكة ف رجلي تباتللجزم في الناس مقامات
عن القصيدة
«الجزم مقامات» من شعر أبوزيد بيومي، وتقع في ٢٥ بيتًا. وهي بالعامية، ورويّها حرف التاء.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.