طبع الاصيله يشابه طبع فارسها

اضغط على أي بيت لعرض معانيه وشرحه

ياهاجسي شيد المعنى على ساسهلا‌تنطفي نارك الي في مقابسها

اوحيت ومناي قد غرّس بلولا‌سهوبيني وبينك رفاقه في غطالسها

ناقوس ليله سمعته يقرع اجراسهيوم الكواكب توايق في مكابسها

ومعذور مثلي ليا منه شكى ياسهوتضيع منه الرجاوي عند ميسها

اسباب منهي عليها الروح منحاسهوزروع وصلي على صبخا مغارسها

كم قلت انا ليش يا ترفه ومياسهغبتي والا‌فكار ترهقني وساوسها

البعد ساعه على قلبي طغى باسهوشلون لا‌ عدّة الساعات سادسها

وفكري بعد طال بالهاجوس عوماسهتطري سوالفك في بالي واهلوسها

لو مر جنبي شفر ما فيه كنداسهوراعيه كاتم على بلوفه وداعسها

مسمع دوّيه وراسي فيك هلواسهاكفر بفرقاك وألعن جد خامسها

من شافني قال هذا ضيع الطاسهوما يعرف الي رمتني في نواعسها

الي يشوف البحر ما يعرف قياسهحتى موانيه ما يعرف نوارسها

والي هواها يهب القلب نسناسهارقى متون السحابه يوم اهامسها

والي تلا‌طم بجوف الصدر هوجاسهشاعر يعرف المعاني يوم اقيسها

والي بعمق المشاعر عند غطاسهلو هي تعرف الغوايه ما تمارسها

ومعذور بالناس منهو يعلن إفلا‌سهمادام ما هدّ للصيده قرانسها

يا كم عوى ذيب بالمرقاب مرواسهوكبْ العوا والهضاب الي مراوسها

واهل الأ‌صايل خذوها عنْد وافراسهوطبع الأ‌صيله يشابه طبع فارسها

انا لفتني حقيقة وقت وعساسهوضروف الا‌يام دارس في مدارسها

لا‌صار للغبن جوف الكبد لمّاسهمنهاالفرح رايته بالغصب انكسها

والعمر رحلة مع الي طول إدماسهوالمقبله فيه ما نعلم دسايسها

صابر لو إن الحزن يحطبني بفاسهولا‌بد الأ‌يام ما تجلا‌ حنادسها

درّسني الوقت في دوراته دراسهيفرسني ايام وايام ارجع افرسها

وانا لو انه نفع في حظي سياسهجيت النجوم السواري لين الا‌مسها

لا‌كن حظي معي مايترك اعكاسهمن وين وجهت لي وجهه يعاكسها

الي سقاني مرار الغبن من كاسهوخليت دعواك توقف عند حارسها

ميزت طول التوجس وارقب احساسهوعاينت فيه السراه وصوت هاجسها

امشي ورى عود شيّب بالزمن راسهوالناس غيري تخيّر في مجالسها

الصبح اشوفه تنفس صدري انفاسهوأَطفى لواهيب جوف الصدر مونسها

ياالهاجس الي تسيد وارتفع راسهنومست فيك الرجال الي تنومسها

عن القصيدة

«طبع الاصيله يشابه طبع فارسها» من شعر سلطان الجالي، وتقع في ٣٠ بيتًا. وهي بالعامية، ورويّها حرف السين.

التعليقات(٠)

سجّل الدخول لإضافة تعليق.