نامت عيون الجاهل الي ماعرف درب الرواه

اضغط على أي بيت لعرض معانيه وشرحه

نامت عيون الجاهل الي ماعرف درب الرواهواستيقضت عين اللبيب الي يرى طرفه رنا

الله يجازي من شكر ربه جزا شكر وغناهكريم يعطي مدته بلجود هو اهل الثنا

والناس ماتقنع ولا ينفع مع الجاهل وصاهارسل لبيب لحاجتك يكفيك عن ضرب القنا

وابا الفوارس مادرا عن سكته منهو ثناهخابر طريق المعرفه يمشيه لو موته دنا

ياليت ربي حط للطيب علامه فالجباهلجل الذي فالناس جاهل مايغره لاشنا

ويامكثّر الطلعات لصيدات حاذر للهناهوافاك فالغرات صايد صيدته ماهي غنا

ومن قال انا ظيم الرجال يظام منطوقه وفاهوكلاٍ على ماقيل يعرف ساس بيته لابنا

انتم هل الفطنه واهل شامخ رضخ منهو عصاهواحنا بعد من قسمنا ناخذ ونعطي جارنا

مادام فالجيب الدبل لاسنّد المرقب رقاهماهمني من بالسهل برّح ولو موته طنا

ناديت مثلك في ظلام الليل يامطول جفاهالغايب الي ماجهل حبه بنظم اطروقنا

واقول انا في حق مثلك ياجعل نفسيى فداهعزيز مثلك غيبته تجرح عزيز اقلوبنا

يوم الوفا طبعك ومثلك عاليٍ في مستواهمايقدر النسيان لو يدني على جرف الفنا

صحيح يازين السعه والزرع يبغا من سقاهومخلوف ياذاك التعب لو الثمن ماهو لنا

له ماجنا وانا بعد لي ماجنيته فالحياهيكفيني الي وارثه والي ورث من بعدنا

لي بندقٍ موروث من جدي وجدي ماشراهمن جد جده وارثه مثلي ومثله جدنا

حامي به الحدين من جور المعادي والطغاهوأزبّن الجالي وانا سلطان وأنته مثلنا

العز عز امثالنا وامثالكم عزه حماهمافيكم الهافي ولا منكم بعد راعي خنا

واحدكم الي لاظهر يظهر على عز وجاهالشاعر الي من طرفكم حايم في جونا

انشهد ان الحر في مرقاه حيا الله نباهوالحر يعرف مرقده ويميزه لامن ثنا

آرد مثل ميرادكم وانتم مواردكم حياهحامين حق احدودكم والخوف ماجاب الغنا

الجم غطيته وانا رابط على طيه رشاهولاحامو الحيام مايلقون في جمه هنا

ياشعيل انا خرجي نظيف وتمرته داخل غطاهوالحمل لو مهما ثقل خفيف حمله عندنا

يامحسن الي مايهاب الجود جوده والغناهوالفضل للي علم الانسان واعطاه الضنا

عن القصيدة

«نامت عيون الجاهل الي ماعرف درب الرواه» من شعر سلطان الجالي، وتقع في ٢٣ بيتًا. وهي بالعامية، ورويّها حرف النون.

التعليقات(٠)

سجّل الدخول لإضافة تعليق.