ما اقدرش أنسى البشر
اضغط على أي بيت لعرض معانيه وشرحه
موجود على الأرض دم كتير و له أصحابماشيين على الأرض لسه مانتهوش لتراب
قاعدين على البرش لسه من ورا الأَبوابلاهدين ورا القرش لسه و بيطولوه بعذاب
عايشين على الشمس و الطين هما و الأَعشابعاملين لترس المكينه سيور من الأَعصاب
حارقين فى فرن القمينه غلابا مظلومين أَغرابموجود على الأرض دمع كتير و له أَسباب
فى عيون مرات الشريد اللى شبكها و غابو ف قلبها اللى الشباب عَجَّز فى قلبه و شاب
و ف صحنها اللى صبح بعد الحكايه خرابو دمع بنت الطريق صادق مهوش كداب
يبكى طريقها الطويله و قلة الأَحبابيبكى خطاها الذليله بين كلاب و دياب
يكتب على الأَرض للعالم أَمرّ حسابو الأَرض تشهد على دموع طفل نام ع الباب
و دمعة الطفل م الرمان بتملا كتابكلام عن العدل بين الأَبرياء و عتاب
موجود على الأَرض موت و جروح و شوك و خَرابجنب الزهور و اليور و المنظر الجذاب
جنب الخدود و النهود و عواطف العزّابموجود جنود مجرمين ناقصين قرون و أنياب
مسيتبعدين أَرضنا و منجسين لا عتابمقدرش أَنسى دا كله و اتوه أَنا فى شعاب
مقدرش أَنسى البشر متوزعين أَسلاببين الحرامى دالاس و تشرشل النصاب
و اوصف جمال الغروب و الشمس نازفة سحابملزوم أَحس بألم و انزف قصايد نار
تضحك لنا من بعيد أَيام حاتبقى شباب
عن القصيدة
«ما اقدرش أنسى البشر» من شعر صلاح جاهين، وتقع في ١٥ بيتًا. وهي بالعامية، ورويّها حرف الباء، وغرضها الرثاء.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.