رصيف الموت

أبو حجاج المديد

اضغط على أي بيت لعرض معانيه وشرحه

يعدى اليوم..وبعديه يوم..

وانا شايل حمول ياما..وكلى هموم..

وانا بجرى..ومش عارف اخد نفسي..

ومش حاكم على قوتى..ومش أمن على نفسى..

ويسأل عن قطر الحياه..طلع ياسطا؟؟..

بتسأل ليه؟..لو مستعجل قطرالموت بدون وسطا..

بيحصد كل يوم ارواح ..هتكون مبسوط اخر بسطا..

بين غمضة عين وتفتيحه..تكون مرتاح..

ولو حابب عروضنا كتير..اتنين وخميس بتوع تفجير..

رصاص طايش ..حالف مايسيب فقير عايش..

وهناك فوق رصيف الموت ..مشهد أشبه بيوم الحشر..

نار بطير..وخلق كتير. .

ملهاش حصر..وجثث مرميه بنار اهمالكو محروقة.. و طفله قاعده عريانه..

بتصرخ صرخه مخنوقه..وسيادته مربوط على الكرسي..

ما سمعهاش..اللى مات ..

مات فطيس ..راح بلاش. ..

واللى عاش.. برضو ميت ..ويا ريت ما عاش ..

والوطن مكتفينه..ودمه سايح فوق جبينه..

والضمير مخوفينه..كسرين عنيه بحجات تدينه..

والتاريخ مغمينه..مر على كل البلاوى وما شفهاش.. والوشوش مابين حزينه وبين كئيبه..

ووشوش اصلا من غير ملامح ..ما عرفتهاش..

وكلنا متصفين..ناس شمال..

ناس يمين. .كلنا متصفين..

وفينا ناس بين بنيين..ولا يشغلها اللى مات ..

ولا يفرق معاها اللى عاش..واللسان جاتله عله..

كل كلمه تبقى ذاله ..وتشوف هترضى انهى شله..

وشوف كام كلمة جيت تقولها..خوفك منعها..

ما قولتهاش..الخلاصه كلنا ميتين!!..

والعزا واجب لمين؟..فى حق مين؟..

اللى كلهم تاجرو بموته؟؟؟اللى مات و اتفرض عليه سكوته؟؟.. العزا قولى ممكن ياخده مين..

ياخدوه الندابيين الكادبين الناصبين؟..ولا ياخده شيخ بعمه أكل بالدين..

ولا ياخدوه نخبه طلعت اصلا شمال..ولا ياخدوه اللى قالو حبة تسالى و دول عيال..

ولا اللى نطو و ضيعوها فى الوحال..احنا مش عايزين اصلا عزا..

ما طلبنهوش..بس حاولو تحافظو على عيالنا..

وما يموتوش..يمكن لما يعرفو اننا حاولنا ..

لاكن فشلنا..مننا ما يتبرءوش..

او حتى يمكن يعملو اللى كان فى بالنا..يعملو اللى ما عملنهوش..

ياللى حسستونا اننا عايشين فى جنه..جنتكو باينه فى الوشوش..

اه يا حبة زمارين..مره دخله.. ومره حنه..

اللى فيها طبالين عمرها ما تبقى جنه..عايزنها جنه ما طبلوش..

عشان لما يموت عيالكو دمهم هيروح فشوش..مصر مش هيه اللى بتيجى فى اعلاناتكو..

مصر كانت مع اللى واقفين ع الرصيف..مع الغلابه اللى اصلا مش فى بالكو ..

المطحونين وبيموتو من أجل الرغيف..خدو الكراسي والمناصب احنا اصلا سبنهالكو..

بس ده مش معناه اننا الجنب الضعيف..فما ترهنوش على صبر الناس الشقيانين..

وبلاش تملو انتو كروشكو..والناس جواعا..

الصبر لو مالهوش تمن..ينفد فى ساعه..

يومها هتحولو تهربو ..ف ماتلحقوش..

عن القصيدة

«رصيف الموت» من شعر أبي حجاج، وتقع في ٤٧ بيتًا. وهي بالعامية، ورويّها حرف الطاء.

وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←

التعليقات(٠)

سجّل الدخول لإضافة تعليق.