فاعل وفعله خيالي

اضغط على أي بيت لعرض معانيه وشرحه

أدور ) فــ وجيه الليالي والأيام( أدوّر ) اللي ضيعته الليالي !

( حلمٍ ) عشانه ما بقى عندي أحلام( حملٍ ) توتّر من جوابه سؤالي !

( مليّت ) أجمّع حزني حروف وأرقام( ميّلت ) دمعي للجروح ورقى لي

( أرعبتني ) في وحدةٍ كلها أوهام( أعربتني ) : فاعل وفعله خيالي

( ماله ) مكان وكل ما حوله حطام( ماله ) طموح وذكرياتٍ خوالي

( أكبت ) وجع دنياي وجروحي أقلام( أكتب ) مواعيد انتظاري لحالي

و ( أدور ) فـــ وجيه الليالي والايام( أدوّر ) إحساسٍ خذته الليالي

عن القصيدة

«فاعل وفعله خيالي» من شعر زايد الرويس، وتقع في ٧ أبيات. وهي بالعامية، ورويّها حرف اللام، وهي قصيدة حزينة.

التعليقات(٠)

سجّل الدخول لإضافة تعليق.