طريق المدرسة

اضغط على أي بيت لعرض معانيه وشرحه

وين أنا حظي رماني في طريق المدرسةماعرفت الدافع اللي جاب رجلي من هنا

إعترض دربي غزالٍ جعل ربي يحرسهوحارت أقدامي وشفت الموت بعيوني دنا

وطيته من فوق كبدي ماشيٍ في غطرسهإيتهصّر لي بقدٍ ،، يشبه لعود القنا

ورمش عينه كلما سلهم بقلبي يغرسهوحمرة الخدّ النديّة ، طاب ليٍ فيها الجنا

الهواجيس أشغلت بالي بكثر الهجرسهمادريت إني برجلي ساير لدرب الفنا

وأسرعت بكرات دولاب العواطف ممرسهرجّعتني لعهدي السالف وأيام الونا

من جمالٍ ألجم الهرج بلساني وأخرسهوخافقٍ يكفخ بصدري زادني همّ وعنا

قال لي ما كل ذيبٍ شاف صيدٍ يفرسهوأنت قل لي يالمتيّم ويش جابك،حيّنا

قلت له بأروي المشاعر والنظر منك أترسهوآتحلّى من وصوفٍ فيك ياكل المنى

وأبا أحلّق فوق بحر العين مثل النورسههايمٍ بين الرموش اللي لها ضيّ وسنا

كل خيّالٍ حسب عسفه وترويض افرسهفيه منهو من يعاني وفيه منهو إهتنا

مرّ من جنبي هنوفٍ قال عشقك معرسهطبعها دايم تشاكس كل من جاء يمّنا

قمت أدق الصدر حسرة والنواجذ مضرسهيوم حاذاني بكتفه ! ساق رجلي إنثنى

قال بعد إذنك ، ترى طابورنا رنّ اجرسهوالحضور بدفتر التوقيع ! أظنه فاتنا

عن القصيدة

«طريق المدرسة» من شعر محمد بن عمار، وتقع في ١٤ بيتًا. وهي بالعامية، ورويّها حرف النون.

التعليقات(٠)

سجّل الدخول لإضافة تعليق.