على الدوح يا طيرٍ تغنّي

اضغط على أي بيت لعرض معانيه وشرحه

على الدوح يا طيرٍ تغنّي .. تغنّي ليه؟ومن سبّتك كلّن يغنّي على ليلاه

يمرّك خيالٍ ما يجي لك ولو تدعيهوهذا على شرع المحبّين وش معناه؟

وأنا معك ما أغنّي على غروٍ مْصافيهأغنّي على وقتٍ بقلبي ركــــز شلفاه

تأملّت ما حولي وبين اكرهه واغليهتلاشى بي الثاني والأول على دعواه

معي كل سلوان اقتله وادفنه وارثيهفلا عاد بي والله حيلٍ على املاحاه

تعلّمت اوجّــــه واتوجّه بـــــلا توجيهودرسٍ بلا تدريس والدرس من ينساه

ترى العرف عرف قلوب ما هو بعرف وجيهوكلّن بهالدنيا يــــدوّر على شـــــرواه

وعين الأمل جادت ولو ما تجود ايديهويأمــــل فقير المال دامه غني الجـــــاه

مشى ركبنا وافلان يمديه ما يمديهحدينا قصيدة مهملة قـــــاف ومْقفّاه

وجينا خلا خالي يهاب الورى واديهغريبٍ بتصويره وبأهله وبمْسمّاه

أصوّت لمن صوتي من الحق ما يوحيهعلى هاتفه جــــاه اتصالي ولا لبّاه

تقول النشاما ميّت القلب وش يحييه؟وأنا أقول حيّ القلب وش موّته بالله؟

يجي يذبح العابر وبين الملا يبكيهويقطع وريده كل ليلة على ذكــــراه

عليه أول الموضوع ما هو مثل تاليهعلى قول من شرهة يمينه على مخباه

يخبّي ورى صــــدره كـــــلامٍ ولا يبديهومثلي ومثله يعرف البرق من منشاه

ولو ما عرف سرّ البنادم سوى واليهولكن على وجهه تعابير عن جــــوّاه

أعَرْف الصدور قبور والقول عن راويهونهر الحقيقة عذب يا من تغَثْرب ماه

واعَرْف النوايا كالمطايا رحيل وتيهومنها الفعايل بين واقــــع ومسْتوْحاه

كثير العلوم حلوم والحلم وش داعيهوالأيام دورة غيب والرجل من مبداه

فلا كل ليلٍ جَــــنّ راع النيا ساريهولا كل من عدّى بظهر الرمَك جهجاه

وسيف الخطا ما هو بذابح ســــوى راعيهعلى صفحة الأيام يا عبرها عبراه

تغرّه هقاويه وتسوقه نـــــدم رجليهيصادم على وضح النقا راس ما يقواه

كتابه ترى ما انكر نعم سامع بطاريهولكنّ ما ربي أمرني عشان أقــــراه

من العام أقول إن جا لنا فالله يحييهوأنا فوق راس طويق والسيل في مجراه

وهــــذا بداية علم والعلم فيه وفيهبنذبح لعينه كــــل ذيــــبٍ يجرّ عــــواه

وحنا علينا ننتظر منه مــــا يعنيهكتابٍ سمعنا عنه لكنّ مــــا شفناه

عن القصيدة

«على الدوح يا طيرٍ تغنّي» من شعر لفى الهفتاء، وتقع في ٢٦ بيتًا. وهي بالعامية، ورويّها حرف الألف.

التعليقات(٠)

سجّل الدخول لإضافة تعليق.