من وين ؟..ولو ين؟

اضغط على أي بيت لعرض معانيه وشرحه

من كثر شوقي لك سبقت لك الأيامصرت الخميس وتوها الناس الأثنين

ياغمضة عيون المسا كل ماناميبدا الفجر من ضحكة شفاهك يبين

وعيني من أشباهك لها أنفاس وأحلاموتنبت لجفني كل ماشفتك يدين

ياكلمةٍ ماجت على بال الأقلامكن المحبه والوفا لك معي دين

أصبر علي بالله يافجر الإلهاموأنا الله أعلم جيت من وين ولوين

أجيك وأنسى ظلي هناك ماقاموأترك نظر عيني معك وآخذ العين

ياسندرلا .. والعمر سبعة أقزاموقلبي سفينه .. والمجاديف ضلعين

فيني وله ..فيني بكا.. فيني هياموفيني شعور أني لوأتعب تحسين

وياحفلة الدمع بعيوني .. والأوهامماطرّوا المسرى ضيوفك إلى الحين

أما أحسبيها ليله أطول من العاموإلا أكتبيها ساعه إلا أربع سنين

وأنتي تموت بوصفك حروف وأرقامتكوين.. لكن.. مايشابهك تكوين

وأنتي عيونك شرك وأهدابك أصناموأبليس ثغرك .. بس شعرك شياطين

وأنتي بلونك غابنه كل رساموكن القمر صورتك من غير تلوين

وأنتي سحر ماحرمك دين الإسلامدمك عطر وإلا الضيا لك... فساتين

إن قلت أحبك .. تلبس حروفي حراموأن قلت أبيك .. أحس للقلب رجلين

والعام جيتك .. والصدر سجن الأيتاموقلتي لي أصبر .. ها صبرنا .. وبعدين

واليوم من شوقي طمرت أربع أياموأمسيت سبت .. وصبح الناس الأثنين

عن القصيدة

«من وين ؟..ولو ين؟» من شعر عبدالمحسن بن سعيد، وتقع في ١٧ بيتًا. وهي بالعامية، ورويّها حرف النون، وغرضها الشوق.

التعليقات(٠)

سجّل الدخول لإضافة تعليق.