الكــــــذب

اضغط على أي بيت لعرض معانيه وشرحه

مانيب ارافق كل رجل كذوبيالكذب عيب وصاحبه رفقته عيب

عن دربه المشبوة تبعد أدروبيمن شان مايلحقني أشك والريب

لا رايح صوبه ولايروح صوبيلاهو صحيب لي ولاني له صحيب

فصلت من خامت هل الصدق ثوبيوالبست منها كل حكمة وتأديب

وعلى جواد أهل المكارم ركوبيوسلاحي الايمان عرف وتهذيب

وأهل الردى والكذب لو دوروبيوالا لقوبي يلبسون الاكاذيب

ماهمني لو في غيابي حكوبيكلب الغنم ينبح ولا خوف الذيب

عندي ثقه بالنفس لو عذربوبيوالناس كلا به عيوب وعذاريب

مادام وقتي غالب ومغلوبيماهمني لو يشذبون العراقيب

فيني ثلاثه غيرها مالقوبيحب الشرف.والعزوالمجد. والطيب

هذي عيوبي ماليات جيوبيمن صغر سني لين غطاني الشيب

وعن عيب غيري مشغلتني أعيوبيولا فيه مخلوق نظيف من العيب

وأهل الشرف لا جيتهم رحبوبيوانا يلا جوني كثير التراحيب

أضحك لهم من لب قلب طروبيماني اركبها من الكذب تركيب

هذا الصحيح اللي علي محسوبيواراهن اللي له على القول تعقيب

من بعدها يالله تغفر أذنوبيياخالقي ياعالم خافي الغيب

يالله طلبتك قبل وقت الغروبيمادامني حي قبل شمسي تغيب

أستغفرك عن كل زله وأتوبييارب من يرجيك لايمكن يخيب

انت الذي تعلم خفايا القلوبيوبحكمتك تخطي المخاليق وتصيب

طالبك عفوك يوم محد ينوبييوم الحساب أبموقف ضنك وصعيب

يالله يامذري نسيم الهبوبيرحمتك يارحمن ياعفوا يامجيب

عن القصيدة

«الكــــــذب» من شعر محمد بن جزاء الخنفري، وتقع في ٢١ بيتًا. وهي بالعامية، ورويّها حرف الباء، وغرضها الهجاء.

التعليقات(٠)

سجّل الدخول لإضافة تعليق.