الغربة
اضغط على أي بيت لعرض معانيه وشرحه
أيوالله أن شوفته تستاهل عنادياللي عشانه تركت الدار والتربه
مااقول لك شوفته نستّني بلاديلكنّها يافهد نستّني الغربه
وش عاد لو قلت عني ضايع وغادي ؟وش أبركه من ضياعٍ دلّني دربه
تبغاني ارجع ! وأنا ياصعب معواديمادام همّي نساني وأنقلع سربه
الهم هاللي تشوف انه عليّ باديياليتك تشوف كيف يصير في قربه
الله يحرم ... عيوني لّذة رقاديأنّي معه .. مااعرف حزني ولااشعربه
هرجك فوادي وأنا ياخوك في واديالله يخلّيك ... حالي لاتعّذربه
راضي بحالي كذا ... واللي يجي عاديلعيون منهو ركز في قلبي الحربه
بصوته , شقاوته , مزحه , طبعه الهادييملا عليّ الفضا .. من شرقه لغربه
يكفيني أنه غدا هو شربي وزاديأو تقدر تقول أنا اللي زاده وشربه
ياخي أذا الحب عيب ! فشفني آنادي :سجل ..... أنا من عرف عيبه وجاهربه
وسجّل هنا كلمةٍ تستاهل عناديبقولها قبل أسافر وأترك التربه :
والله ماأقسى من الغربه عن بلاديالا .. شعوري وانا في بلادي بالغربه
عن القصيدة
«الغربة» من شعر فهد المساعد، وتقع في ١٣ بيتًا. وهي بالعامية، ورويّها حرف الباء، وغرضها الشوق.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.