لَطمَه
اضغط على أي بيت لعرض معانيه وشرحه
يا لَيْلْ.. باقِي مَعِي كِلْمَهْبالدّمعْ سَطَّرْتَهَا و الدَّمْ
يا لَيْلْ لَيتَ الوَطَنْ نَجمَهشَعْمَلْ عِظامِي لهَا سُلَّمْ
أو لَيتْ هذا القَمَرْ لُقمَهبَينَ المَسَاكِينْ تتْقَسَّمْ
أو لَيتْ قلبي بلا رَحمَهيقدِر يَرَى الناسْ تتْأَلَّمْ
يا لَيلْ يا جارحَ النّسمَهلَيتَكْ مَعِي الآنْ تتْكَلَّمْ
سَاكْتْ.. و فِي سَكتَتَكْ حُرْمَهتفتِشْ جراحِي و تتْلَثَّمْ
يا شَعبْ.. باقِي مَعِي حِكمَهيُمكِنْ مَعَ الوَقتْ تتْفَهَّمْ
أرجُوووووكْ لا تَدخُلَ القِسمَهمَن جَرَّبَ السُّم يتْسَمَّمْ
و الصَّبرْ عِندَ الخَطَرْ نِقمَهحاوِلْ مَعَ الصّبرْ تتْظَلَّمْ
ساكِتْ.. و هَجمَهْ وَرَا هَجمَهو الوَضعْ ما زالْ يتْأَزَّمْ
أصحَابَنَا غَيَّرُوا النَّغمَهو استَسلَمُوا يَومْ ما سَلَّمْ !
هُمْ حَوَّلُوا ثَورَتَكْ أَزمَهوَقَّعْ لهذا, و ذا بَصَّمْ
قالوا خَلَاصْ ارفَعُوا الخَيمَهوِحْنَا مَسَاكِينْ نتْوَهَّمْ
واتقَاسَمُوا الأرضْ و النِّعمَهبَعدَ القَطِيعَه و طُولَ الذَّمْ
لَطْمَهْ.. وما مِثلَهَا لَطمَهْلَو مِن مَآسِيكْ تتْعَلَّمْ
باقِي مَعِي يا وَطَنْ كِلمَهلَو يَومْ فَكَّرْتْ تتْقَدَّمْ
قُلْ للسَّرَقْ خَفِّفُوا الزَّحمَهخَلُّوا المَطاحِين تتْنَعَّمْ
النِّصْفْ شَاقِي على الطُّغمَهو النِّصفْ بالجُوعْ يتْحَزَّمْ
لا بُدّْ يا مَوطِنَ الحِكمَهتضرِبْ عَلى كَفّْ مَن هَدَّمْ
و اللهْ لَو يَشرَبَ الخِتمَهأو بالسماواتْ يتْعَمَّمْ
لا بُد يتْحَمَّلَ الصَّدمَهمِن كُل ضانِكْ, و يتنَدَّمْ
و الآنْ يا مَوطِنِي.. خِدْمَه؟لَيتَكْ تُسَلِّمْ و تتْبَسَّمْ
اللهْ لا يجعَلَكْ تُهمَهنُجلَدْ عَلَيها و نتْلَطَّمْ
عن القصيدة
«لَطمَه» من شعر يحيى الحمادي، من العصر الحديث، وتقع في ٢٣ بيتًا. ورويّها حرف الميم.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.