فاز بالخير بادي يوم يقري سلام

اضغط على أي بيت لعرض معانيه وشرحه

فاز بالخير بادي يوم يقري سلامكل ماحط وصله دون هجره بديل

قيل من طار طيره للسحايب وحامعاود الطير دايم مرقده والمقيل

وقلت ياطرق بالي ياهني الحمامكل ماهز غصنه بالغناوي هديل

كيف لو شاف منهو في ضلوعه حطامكل ماقام يوحي بالحنايا زجيل

اشترى طول صمته من كثير الكلامشايف ابعين عارف كل ساكت بجيل

كل ماطال صمته في حظور الانامبين طول الليالي والنهار الطويل

حير الي يشوفه مع ضجيج الزحاملاطرق ما تجزع لا تلعثم كليل

كيف لو شفت محجم ورث حزنه وجامواجل القلب شفته يوم ينقل قتيل

ساوره سم رقشا داهيه بالدهامغافلة حال منهو ذاق منها وبيل

ساهر الليل جاهد هيكله والعظاموثلث بأول نهاره راح ماله حفيل

مادرو بالمراوس عن طريح السماموكان للخيل صايل يوم تصهل صهيل

طاح مارد جنبه غير حضن الرخاموين ياحيل صابر طاح راحة ذليل

قلت وش فيه قالو يشتكي من زكامعاينه شوف حاله فيه تكسب جميل

وانت تعرف مقامك يارفيع المقاملو تميل الخلايق كلها ما تميل

قلت هم النشاما مايجيب الملاموالخبر ناعتينه وصف منهو عليل

قال حملك ودور سكتك بالجهامقلت مافيه داعي غير متني يشيل

عادة الهم يرقى فوق ذروة سناميعشق الصعب دايم ياصل المستحيل

للسواري محاري يا دياجي ضلاموالدجا له دياجر فلها من جديل

وللسفر عين ساهر ما يذوق المنامسايس الهم ماله غير صبره عميل

صبري الي عرفته بالشدايد حزامما تبتر لو انه يعترض له فتيل

محتزم به وانا الي بالعلا لي مرامكل مافاق غافي هم ايقض رحيل

للركايب مع الي وردوها خطامساقها للموارد من يعرف الدليل

والجموح المغيره عقب طول القياموعقب خمسين ليله بالضما و المحيل

ضمرتها المغازي قبلها نصف عامكسبها بالقلايع من يدين الجزيل

ما تعدم الجوازي بالوفا و التمامعند منهو يميز كيف حفض الجميل

عن هماج السواقي والضما والصيامارتوت عند منهو مانشد له بخيل

شاف نور البشاير عقب ذاك الجهاموالرعايد تهازم لين فاض المسيل

والمحل قام يرفل بالنفل والخزاموحالي الدر باكر مانقله الصميل

زارع الخير زرعه بالحصاد استقامما عدم خير منهو ساق وبل المخيل

والرجا رحمة الي طالبه ما يضامفالق الحب منبت باسقات النخيل

دام للصبح شاهد وين قبله وشامماترجى عيوني غير فضل الجليل

عبد لله وارجي منه مسك الختاموانت يارب حسبي وانت نعم الوكيل

عن القصيدة

«فاز بالخير بادي يوم يقري سلام» من شعر سلطان الجالي، وتقع في ٣٢ بيتًا. وهي بالعامية، ورويّها حرف اللام.

التعليقات(٠)

سجّل الدخول لإضافة تعليق.